Afrosiyob elektropoezdining uzoq kutilgan harakatlanuvchi tarkibi yaqindagina Toshkentga etib keldi.
Bu haqda "O`zbekiston temir yo`llari" xabar berdi.
Unga asosan, Rossiyaning Sankt-Peterburg portidan yo`lga chiqqan poezd shu yilning 16 sentyabrida Ispaniyaning Bilbao portidan kemada kelgan.
2019 yilning iyun oyida "O`zbekiston temir yo`llari" AJ Ispaniyaning "Patentes Talgo S.L.U." kompaniyasi bilan Talgo-250 seriyali ikkita tezyurar elektropoezd sotib olish uchun shartnoma imzolangan.
Ispaniya kompaniyasi o`z navbatida, majburiyatlarini to`liq va vaqtida bajargan.
Ta`kidlanishicha, ushbu harakatlanuvchi tarkib ketma-ket oltinchisi bo`lib, investisiya loyihasi doirasida sotib olingan.
Qayd etilishicha, ikkita poezddan tashqari, ispan kompaniyasi to`rtta zaxira ekonom-klassli vagonlar, shuningdek, poezdlarga texnik xizmat ko`rsatish uchun uskunalar etkazib beradi. Shartnoma Ispaniya kompaniyalarini korporativ xalqarolashtirish jamg`armasi krediti hisobidan moliyalashtiriladi.
