Афросиёб электропоездининг узоқ кутилган ҳаракатланувчи таркиби яқиндагина Тошкентга этиб келди.
Бу ҳақда "Ўзбекистон темир йўллари" хабар берди.
Унга асосан, Россиянинг Санкт-Петербург портидан йўлга чиққан поезд шу йилнинг 16 сентябрида Испаниянинг Билбао портидан кемада келган.
2019 йилнинг июнь ойида "Ўзбекистон темир йўллари" АЖ Испаниянинг "Patentes Talgo S.L.U." компанияси билан Talgo-250 серияли иккита тезюрар электропоезд сотиб олиш учун шартнома имзоланган.
Испания компанияси ўз навбатида, мажбуриятларини тўлиқ ва вақтида бажарган.
Таъкидланишича, ушбу ҳаракатланувчи таркиб кетма-кет олтинчиси бўлиб, инвестиция лойиҳаси доирасида сотиб олинган.
Қайд этилишича, иккита поезддан ташқари, испан компанияси тўртта захира эконом-классли вагонлар, шунингдек, поездларга техник хизмат кўрсатиш учун ускуналар етказиб беради. Шартнома Испания компанияларини корпоратив халқаролаштириш жамғармаси кредити ҳисобидан молиялаштирилади.
