Shanba va yakshanba kunlari haydovchilik guvohnomalari vaqtincha berilmaydi.
Bu haqda Davlat xizmatlari agentligi direktorining axborot siyosati masalalari bo`yicha maslahatchisi Cevara Zakirova ma`lumot berdi.
Unga asosan, O`zbekiston Respublikasi Ichki ishlar vazirligi Yo`l harakati xavfsizligi boshqarmasi elektron tizimida texnik-profilaktik tadbirlar amalga oshirilishi munosabati bilan, 2021 yilning 2-3 oktyabr (shanba va yakshanba) kunlari eski namunadagi haydovchilik guvohnomalarini yangisiga almashtirish xizmati vaqtinchalik ko`rsatilmaydi.
"Xizmatdan foydalanish uchun 4 oktyabr, dushanba kunidan ro`yxatdagi Davlat xizmatlari markazlariga hamda IIBB YHXB bo`limlariga murojaat qilishingiz mumkin", - deyiladi xabarda.
