UzAuto Motors kompaniyasi sentyabr oyida Chevrolet Lacetti avtomobilini ishlab chiqarish liniyalarida optimizasiya ishlarini olib bordi. Bu haqda kompaniya matbuot xizmati xabar berdi.
Ma`lum qilinishicha, optimizasiya ishlari davomida Lacetti avtomobilining ishlab chiqarilish hajmi kuniga o`rtacha 280 tadan 320 ta avtomobilga etadi.
«Olib borilgan modernizasiya ishlari ushbu avtomobil modelining ishlab chiqarilishini oyiga o`rtacha 1000 donaga ko`paytirish imkonini beradi», — deyiladi xabarda.
Ta`kidlanishicha, ishlab chiqarishning ko`payishi yuzaga kelayotgan navbatlarni qisqartiradi va mijozlarga ushbu ommabop avtomobilni qisqa muddatlarda etkazib berishni ta`minlaydi.
