Joriy yilning 14 may kuni Prezident Shavkat Mirziyoev Respublika ixtisoslashtirilgan onkologiya va radiologiya ilmiy-amaliy tibbiyot markaziga tashrif buyurgani haqida xabar bergan edik.
Davlat rahbarining bolalar onkologiyasi bo`limidagi bolalar va ularning ota-onalari bilan bo`lgan suhbatida Nodirabegim Qosimova Prezident maktabida o`qish istagi borligini bildirgandi.
Prezident ta`lim muassasalari agentligi Axborot xizmatining xabar berishicha, Nodirabegimning orzusi amalga oshib, Namangan shahridagi Prezident maktabiga o`qishga qabul qilindi.
"Kelajakda a`lo baholarga o`qib, O`zbekistonimiz rivojiga hissa qo`shadigan bo`lmoqchiman",–deydi Nodirabegim Qosimova.
