Жорий йилнинг 14 май куни Президент Шавкат Мирзиёев Республика ихтисослаштирилган онкология ва радиология илмий-амалий тиббиёт марказига ташриф буюргани ҳақида хабар берган эдик.
Давлат раҳбарининг болалар онкологияси бўлимидаги болалар ва уларнинг ота-оналари билан бўлган суҳбатида Нодирабегим Қосимова Президент мактабида ўқиш истаги борлигини билдирганди.
Президент таълим муассасалари агентлиги Ахборот хизматининг хабар беришича, Нодирабегимнинг орзуси амалга ошиб, Наманган шаҳридаги Президент мактабига ўқишга қабул қилинди.
"Келажакда аъло баҳоларга ўқиб, Ўзбекистонимиз ривожига ҳисса қўшадиган бўлмоқчиман",–дейди Нодирабегим Қосимова.
