2025 yilga borib umumiy quvvati 7 331 MVt bo`lgan 18 ta issiqlik, quyosh va shamol elektr stansiyalari ishga tushiriladi (Bu O`zbekistonda amaldagi elektr energiyasini ishlab chiqarish hajmlarining 50 foizini tashkil qiladi). Bu haqda O`zbekiston Respublikasi
Energetika vazirligi Matbuot xizmati xabar berdi.
Ishga tushirilayotgan mazkur stansiyalarni viloyatlar kesimida tahlili:
Navoiy viloyatida 2023 yilga borib umumiy quvvati 800 MVt bo`lgan 3 ta quyosh va shamol elektr stansiyalari ishga tushiriladi. Xususan:
1. Karmana tumanida BAAning “Masdar” kompaniyasi tomonidan quvvati 100 MVt bo`lgan quyosh fotoelektr stansiya 2021 yilning avgust oyida ishga tushirildi;
2. Nurota tumanida BAAning “Phanes Group” kompaniyasi tomonidan quvvati 200 MVt bo`lgan quyosh fotoelektr stansiyasi 2023 yilning iyul oyida ishga tushiriladi;
3. Tomdi tumanida BAAning “Masdar” kompaniyasi tomonidan quvvati 500 MVt bo`lgan shamol elektr stansiyasi 2024 yilning to`rttinchi choragida ishga tushiriladi.
Samarqand viloyatida 2023 yilga borib umumiy quvvati 320 MVt bo`lgan 2 ta quyosh fotoelektr stansiyasi ishga tushiriladi. Xususan:
4. Nurobod tumanida Fransiyaning “Total Eren” kompaniyasi tomonidan quvvati 100 MVt bo`lgan quyosh fotoelektr stansiyasi 2021 yilning dekabr oyida ishga tushiriladi;
5. Kattaqo`rg`on tumanida BAAning “Masdar” kompaniyasi tomonidan quvvati 220 MVt bo`lgan quyosh fotoelektr stansiyasi 2023 yil may oyida ishga tushiriladi.
6. Jizzax viloyati G`allaorol tumanida 2023 yilning may oyida BAAning “Masdar” kompaniyasi tomonidan quvvati 220 MVt bo`lgan quyosh fotoelektr stansiyasi ishga tushiriladi.
Sirdaryo viloyatida 2023 yilga borib 1 720 MVt bo`lgan 2 ta issiqlik elektr stansiyasi ishga tushiriladi. Xususan:
7. Yangier shahrida Turkiyaning “Cengiz Enerji” kompaniyasi tomonidan quvvati 220 MVt bo`lgan issiqlik elektr stansiyasi 2022 yilning sentyabr oyida ishga tushiriladi;
8. Shirin shahrida Saudiya Arabistonining “ACWA Power” kompaniyasi tomonidan quvvati 1 500 MVt bo`lgan issiqlik elektr stansiyasi 2023 yilning to`rtinchi choragida ishga tushiriladi.
Toshkent viloyatida 2021 yilda umumiy quvvati 710 MVt bo`lgan 3 ta issiqlik elektr stansiyasi ishga tushiriladi. Xususan:
9. Qibray tumanida Turkiyaning “Aksa Enerji” kompaniyasi tomonidan quvvati 240 MVt bo`lgan issiqlik elektr stansiyasi 2021 yilning to`rtinchi choragida ishga tushiriladi;
10. Qibray tumanida Turkiyaning “Aksa Enerji” kompaniyasi tomonidan quvvati 230 MVt bo`lgan issiqlik elektr stansiyasi 2021 yilning dekabr oyida ishga tushiriladi;
11. Qibray tumanida Turkiyaning “Cengiz Enerji” kompaniyasi tomonidan quvvati 240 MVt bo`lgan issiqlik elektr stansiyasi 2021 yilning dekabr oyida ishga tushiriladi.
Buxoro viloyatida 2024 yilga borib umumiy quvvati 1 270 MVt bo`lgan issiqlik va shamol elektr stansiyalari ishga tushiriladi. Xususan:
12. Peshku tumanida Saudiya Arabistonining “ACWA Power” kompaniyasi tomonidan quvvati 500 MVt bo`lgan shamol elektr stansiyasi 2023 yilning dekabr oyida ishga tushiriladi;
13. G`ijduvon tumanida Saudiya Arabistonining “ACWA Power” kompaniyasi tomonidan quvvati 500 MVt bo`lgan shamol elektr stansiyasi 2023 yilning dekabr oyida ishga tushiriladi;
14. Buxoro tumanida Turkiyaning “Aksa Enerji” kompaniyasi tomonidan quvvati 270 MVt bo`lgan issiqlik elektr stansiyasi 2021 yilning dekabr oyida ishga tushiriladi.
15. Xorazm viloyatining Yangiariq tumanida 2021 yil dekabr oyida Turkiyaning “Odas Enerji” kompaniyasi tomonidan quvvati 174 MVt bo`lgan issiqlik elektr stansiyasi ishga tushiriladi.
Surxondaryo viloyatida 2025 yilga borib umumiy qkvvati 2 017 MVt bo`lgan quyosh va issiqlik elektr stansiyasi ishga tushiriladi. Xususan:
16. Sherobod tumanida BAAning “Masdar” kompaniyasi tomonidan quvvati 457 MVt bo`lgan quyosh fotoelektr stansiyasi 2023 yilning iyul oyida ishga tushiriladi.
17. Angor tumanida Niderlandiyaning “Stone City Energy” kompaniyasi tomonidan quvvati 1 560 MVt bo`lgan yangi issiqlik elektr stansiyasi 2024 yilning dekabr oyida ishga tushiriladi.
18. Qoraqalpog`iston Respublikasining Qorao`zak tumanida Saudiya Arabistonining “ACWA Power” kompaniyasi tomonidan quvvati 100 MVt bo`lgan shamol elektr stansiyasi 2024 yilda ishga tushiriladi.
Jami quvvat 7 331 MVt.
Umumiy quvvati 2 000 MVt bo`lgan issiqlik, quyosh va shamol elektr stansiyalarini qurish bo`yicha tenderlar e`lon qilingan. Xususan:
1. Sirdaryo viloyatining Shirin shahrida quvvati 1 500 MVt bo`lgan issiqlik elektr stansiyasini qurish bo`yicha tender savdolari e`lon qilingan.
2. Buxoro (250), Xorazm (100) va Namangan (150) viloyatlarida umumiy quvvati 500 MVt bo`lgan quyosh fotoelektr stansiyalarini qurish bo`yicha tender savdolari e`lon qilingan.
Jami quvvat: 2 000 MVt.
Joriy yilda umumiy quvvati 600 MVt.ga teng bo`lgan quyosh va shamol elektr stansiyalarini qurish bo`yicha tender e`lon qilinadi. Xususan:
1. Qashqadaryo va Farg`ona viloyatlarida umumiy quvvati 400 MVt bo`lgan quyosh fotoelektr stansiyalarini qurish.
2. Qoraqalpog`iston Respublikasida quvvati 200 MVt bo`lgan shamol elektr stansiyasini qurish.
Jami quvvat: 600 MVt
