Toshkent-Chirchiq-Xojikent” tezyurar elektr poezdlar harakatini tashkil etish maqsadida, Parkent ko`chasidan KHAYga o`tish qismida qurilish-montaj ishlari olib borilishi sababli, avtotransport vositalarining harakati vaqtinchalik cheklandi. Bu haqda "Toshshahartransxizmat" Matbuot xizmati ma`lum qildi.
Shu munosabat bilan, 2021 yil 5 oktyabr kundan boshlab, 58, 88, 89, 95-sonli avtobus yo`nalishlari quyidagi ko`chalardan harakatini davom ettirishi ma`lum qilindi:
- 58-sonli avtobus yo`nalishi - Mustaqillik shoh ko`chasidan Oqqo`rg`on, Katta Darxon ko`chalari orqali “Ekskavator zavodi” so`nggi bekatigacha ikki taraflama;
- 88-sonli avtobus yo`nalishi Parkent ko`chasidan Mustaqillik shoh ko`chasi, Oqqo`rg`on ko`chalari orqali va keyingi harakatini o`z yo`nalishini davom ettirgan holda;
- 89 va 95-sonli avtobus yo`nalishlari - shaxar tomon harakatlari Parkent ko`chasidan Mustaqillik shoh ko`chasi, Oqqo`rg`on ko`chalari orqali Oqqo`rg`on - Katta Darxon ko`chalari kesishgan joydan orqaga burilib olib, o`z yo`nalishini davom ettirgan holda (qaytishda o`z yo`nalishini o`zgartirmagan holda) harakatlanadi.
