Ijtimoiy tarmoqlarida “Farg`ona shahrida joylashgan "Baraka burger" nomli do`konni oynalari sindirilgan holda yoqib yuborilganligi” tasvirlangan videoxabar tarqaldi. Farg`ona viloyati IIB holat bo`yicha ma`lumot berdi.
Aniqlanishicha, 2021 yil 05 oktyabr kuni E. va uning tanishlari hamda O. va boshqalar o`rtasida kelib chiqqan kelishmovchilik sababli, jamiyatda yurish-turish qoidalarini qasddan mensimasdan, jamoat joyida bir-biriga tan jarohati etkazishgan. Shundan so`ng, E.va uning sheriklari bezorilik xatti-harakatlari davom ettirib, o`zganing mulkini qasddan nobud qilish maqsadida O.ga tegishli bo`lgan "Baraka burger " do`konini oynalari sindirishib, do`konda yong`in chiqarishgan.
Mazkur holat yuzasidan Farg`ona shahar Ichki ishlar organlari faoliyatini muvofiqlashtirish boshqarmasi huzuridagi tergov bo`limi tomonidan O`zbekiston Respublikasi Jinoyat kodeksining 277-moddasi (bezorilik) bilan jinoyat ishi qo`zg`atilib, dastlabki tergovga kirishildi.
Jinoyat ishi bo`yicha E. ismli shaxs Jinoyat kodeksining 277 (bezorlik) hamda 173-moddalari (mulkni qasddan nobud qilish yoki unga zarar etkazish) bilan hamda O. ismli shaxs 277-modda bilan gumon qilinuvchi tariqasida jalb qilinib, prosessual tartibda ushlangan bo`lib, hozirda qolgan ishtirokchilarni aniqlash choralari ko`rilmoqda.
Tergov davomida ishga aloqador bo`lgan barcha shaxslarning harakatlariga huquqiy baho beriladi.
Mazkur jinoyat ishi bo`yicha Farg`ona viloyati IIB huzuridagi tergov boshqarmasi tomonidan tergov harakatlari davom ettirilmoqda.
Tergov yakuniga ko`ra, qo`shimcha xabar beriladi.
04.11.2021, 21:16
2021 yil 22 oktyabr kuni Farg`ona viloyati IIB TXTBga kelib tushgan ma`lumotga asosan, moddiy manfaatdorlik evaziga fuqarolarga Davlat chegarasidan o`tish uchun koronavirus infeksiyasi natijalari haqida...06.02.2021, 16:27
2021 yil 5 fevral kuni fuqaro Sh.Z. “Espero” avtomashinasini Yozyovon tumani Guliston MFY hududida boshqarib ketayotib, qatnov qismini piyoda kesib o`tayotgan E.O.ni urib yuborishi oqibatida, E.O....