Xabaringiz bor, bir muddat avval ijtimoiy tarmoqlarda Samarqand viloyati hokimi sayyor qabuliga borgan fuqaro va ularning samimiy suhbati aks etgan video keng tarqaldi.
Mazkur videoda imkoniyati cheklangan fuqaro o`ziga nogironlik aravachasi kerakligini aytadi, uning samimiyligi Samarqand viloyati hokimini xursand qilib, Erkinjon Turdimov unga uyini ham ta`mirlab berishlarini, hattoki uylantirib qo`yshlarini ta`kidlaydi.
Jumladan, hokim mas`ullarga "Kosibchilik uchun joy qurib berasan, hamma kerakli jihozlar bilan ta`minlaysan", deya topshiriq beradi.
Yigitning "Bularingiz bermaydi, baribir uxlatadi", degan so`zlari hokimning samimiy kulgusiga sabab bo`ldi.
Shundan so`ng, oradan hech qancha vaqt o`tmasdan murojaatchi Oybek aravachaga ega bo`ldi. Shuningdek, chiroyli ta`mirlangan uy uni hayajoniga sabab bo`ldi. U video davomida bunday bo`lishini etti uxlab tushiga kirmaganligini aytadi. Yigitning so`zlariga ko`ra, u sayyor qabuldan naf chiqishiga ishonmagan.
"Bunaka bo`lishi etti uxlab tushimga kirmagan edi ", - degan edi hokim qabuliga borib, orzulari amalga oshgan yigit, o`shanda.
Ayni paytda Qattaqo`rg`on hokimligi Axborot xizmatining xabar berishicha, o`sha suhbat paytida Turdimov uylantirib qo`yishni va`da bergan etikdo`z Oybek Madatov uylandi!
Orzulari amalga oshgan bu oqko`ngil va samimiy yigitga biz ham baxt tilab qolamiz.
