Sayyohlarning kirib kelishi ortidan bizda kasallik ko`payib, lokdaun holatiga olib kelmaydimi?
Mazkur savolga MSK tomonidan tashkil etilgan matbuot anjumanida Sanitariya-epidemiologik osoyishtalik agentligi direktori Bahodir Yusupaliev izoh berdi.
“Bugungi kunda hech qanaqa lokdaun haqida gap bo`lishi mumkin emas va barcha harakatlar shunga qaratilgan. Bugungi kunda Rossiya Federasiyasida kasallanish holatlari, respublikaga kasallik kirib kelish ehtimoli ko`tarilgan. Lekin bizning chegaralarga 72 soatli PZR testi topshirilgan holda kirish mumkin. Test bo`lmaganda, chegarada ekspress test topshirilishi mumkin», — dedi Bahodir Yusupaliev.
