O`zbekiston Respublikasi Vazirlar Mahkamasining "Korrupsiya darajasini reyting baholash metodikasi asosida davlat organlarida, shu jumladan hududlarda korrupsiya darajasini reyting baholash tizimini joriy etish to`g`risida"gi Qarori muhokamaga qo`yildi.
Unga ko`ra:
- Keng aholi qatlami, tadbirkorlik sub`ektlari, shu jumladan O`zbekistonda faoliyat yuritayotgan xorijiy investisiyalar ishtirokidagi korxonalar, mahalliy va halqaro ekspertlar o`rtasida so`rovnomalar o`tkazilishi;
- so`rovnomalar natijalarini tahlil qilish asosida davlat organlari va hududlarda korrupsiyaning tarqalganlik darajasini aniqlash belgilanmoqda.
Shuningdek, baholash natijalari asosida:
- korrupsiyaning tarqalganlik darajasi reytingi, shu jumladan korrupsiya xavfi yuqori bo`lgan davlat organlari va hududlar ro`yxati shakllantiriladi;
- baholash natijalari har yili 1 dekabrga qadar O`zbekiston Respublikasi Oliy Majlisi palatalari, Prezident Administrasiyasi, Vazirlar Mahkamasi, Korrupsiyaga qarshi kurashish milliy kengashiga kiritiladi;
- baholash natijalari ommaviy axborot vositalarida, davlat va xo`jalik boshqaruvi organlari, mahalliy ijro etuvchi hokimiyat organlarining rasmiy veb-saytlarida e`lon qilinadi.
