Amsterdam universitetining Tibbiyot markazi va Sanquin qon banklari tarmog`i hamkorligi doirasida Niderlandiyada o`tkazilgan tadqiqotlar shunday natija ko`rsatdi. Ushbu tadqiqotda vaksinaning immuniteti zaiflashgan odamlarga nisbatan samaradorligi o`rganildi.
Tadqiqot autoimmun kasalligi bor ko`p bemorlarning organizmi vaksinasiyadan keyin sog`lom organizmlar ishlab chiqargan miqdorga deyarli teng miqdorda antitanachalar ishlab chiqarishini ko`rsatdi.
Tadqiqotga rahbarlik qilgan immunolog Tako Kaupersning so`zlariga qaraganda, tadqiqot kutilganidan ham a`lo natijalar ko`rsatdi. Natijalar Niderlandiya Sog`liqni saqlash vazirligiga topshirilgan.
Sog`liqni saqlash vaziri vazifalarini bajaruvchi Xugo de Yonge qaysi bemorlar COVID-19'ga qarshi qo`shimcha buster dozani olishlari mumkinligi haqidagi qarorni qabul qiladi. Kaupers qo`shimcha in`eksiya olish uchun faqat odamlarning uncha katta bo`lmagan foizigina chaqirilishini kutmoqda.
