Амстердам университетининг Тиббиёт маркази ва Sanquin қон банклари тармоғи ҳамкорлиги доирасида Нидерландияда ўтказилган тадқиқотлар шундай натижа кўрсатди. Ушбу тадқиқотда вакцинанинг иммунитети заифлашган одамларга нисбатан самарадорлиги ўрганилди.
Тадқиқот аутоиммун касаллиги бор кўп беморларнинг организми вакцинациядан кейин соғлом организмлар ишлаб чиқарган миқдорга деярли тенг миқдорда антитаначалар ишлаб чиқаришини кўрсатди.
Тадқиқотга раҳбарлик қилган иммунолог Тако Кауперснинг сўзларига қараганда, тадқиқот кутилганидан ҳам аъло натижалар кўрсатди. Натижалар Нидерландия Соғлиқни сақлаш вазирлигига топширилган.
Соғлиқни сақлаш вазири вазифаларини бажарувчи Хуго де Йонге қайси беморлар COVID-19'га қарши қўшимча бустер дозани олишлари мумкинлиги ҳақидаги қарорни қабул қилади. Кауперс қўшимча инъекция олиш учун фақат одамларнинг унча катта бўлмаган фоизигина чақирилишини кутмоқда.
