Hech bir inson taqdiri bir-birinikiga o`xshamaydi. Ko`p yillar davomida odamlar hujjasizlik tufayli muammolar girdobida yashadi.
Hujjatbozlik bilan bog`lik zanjir kabi bir-biriga ulangan echimtalab masalalar avomni bog`chaga borishku mayli, o`qishga va tuzuk bir joyda ishlashga, oila qurishga, hatto nafaqaga chiqishga imkon bermagan. Chunki fuqarolikni tasdiqlovchi hujjat yo`q.
Xuddi shunday muammolar girdobida ulg`aygan Kasbi tumani Cho`lquvar MFYda istiqomat qiluvchi Rahmatov Shohruh Muzaffar o`g`li ham hayotidagi qiyinchiliklarga nuqta qo`yish uchun mahallasiga murojaat qiladi. Chunki, yigitning fuqarolik pasporti yo`q... Mahalla mas`ullari yigitni tuman FXDYo bo`limiga yo`naltirishdi. Qizig`i 22 yoshga kirgan barvasta yigitning qachon tug`ilganini bildiruvchi birorta ma`lumot bordir-ku, deya mutaxassislar arxiv hujjatlarini ko`tardilar. Afsuski 22 yoshga kirgan insonning bor yo`qligini tasdiqlovchi birorta hujjat topilmadi. Chunki vaqti zamonida bolaning tug`ilganligi qayd etilmagan. Demak, u tug`ruqxonada tug`ilmagan.
Qashqadaryo DXA mutaxassisilar, fuqaro arizasini tegishli tartibda ko`rib chiqib, tez fursatlarda unga “metrika” taqdim etdi.
