AQSh kompaniyalari 2021 yilning yanvar-sentyabr oylarida 29 mingta robot sotib olgan. Bu haqda CNN xabar berdi.
Qayd etilishicha, bu ko`rsatkich mamlakat tarixida rekord hisoblanadi. 2020 yilga taqqoslaganda 2 marta ko`proqni ham tashkil qilmoqda.
Aniqlanishicha, robotlarning ko`proq sotib olinishiga sabab mahsulotlarga talab yuqoriligi va malakali mutaxassislarni jalb qilishda kadrlar etishmasligi sabab bo`lgan. AQSh kompaniyalari pandemiya tufayli malakali ishchilari yo`qotgan va ularni ishlariga qaytarishda birmuncha qiyinchiliklarga duch kelgan.
Chorasiz qolgan kompaniyalar vaziyatdan chiqib ketish uchun robotlarning xizmatidan foydalangan. Buning uchun kompaniyalar robotlashtirish jarayoni uchun 1,48 milliard dollar sarflagan.
