O`zbekiston Respublikasi tashqi ishlar vaziri Abdulaziz Komilov Xorvatiya Respublikasi va Estoniya Respublikasining Favqulodda va muxtor elchilari (qarorgohi Nur-Sulton shahrida) etib tayinlangan Refik Shabanovich va Toomas Tirsni qabul qildi.
Vazir ishonch yorliqlarini qabul qilar ekan, elchilarni yangi lavozimga tayinlangani bilan tabrikladi va mas`uliyatli lavozimida muvaffaqiyat tiladi.
Suhbat chog`ida ikki tomonlama va “O`zbekiston – Evropa Ittifoqi” shaklida O`zbekiston – Xorvatiya va O`zbekiston – Estoniya munosabatlarining dolzarb jihatlari muhokama qilindi.
Siyosiy-diplomatik, savdo-iqtisodiy, sarmoyaviy, madaniy-gumanitar va boshqa sohalarda o`zaro manfaatli aloqalarni kengaytirish bo`yicha amaliy takliflar ko`rib chiqildi.
Mintaqadagi hozirgi vaziyat yuzasidan fikr almashildi.
