Jahon sog`liqni saqlash tashkiloti (JSST) ma`lum qilishicha, Omikron koronavirus shtammining dunyo bo`ylab tarqalish ehtimoli yuqori. Bu haqda Ria Novosti xabar bermoqda.
COVID-19 omikron shtammi tarqalishi bilan bog`liq umumiy global xavf ham juda yuqori deb baholanmoqda. JSST allaqachon koronavirusning yangi variantini tashvishli shtammlar toifasiga kiritgan.
Tashkilot mutaxassislari joriy PSR testlari COVID-19 ning yangi omikron shtammini aniqlashga qodirligini tasdiqladi. Vaksinalar Omikron variantini yuqtirganda og`ir kasallik yoki o`limdan samarali himoya qiladi.
