AQSh yaqin 100 kun ichida boshqa mamlakatlarga koronavirusga qarshi 200 million doza vaksina etkazib berish majburiyatini o`z zimmasiga oldi.
“Biz 110 mamlakatga bergan 275 mln dozaga qo`shimcha sifatida 100 kun ichida yana 200 mln doza vaksina yuborish majburiyatini o`z zimmamizga oldik. Imkon qadar vaksinaga ehtiyoj sezayotgan mamlakatlarga etkazib berishni amalga oshiramiz”, - deya xabar beradi Oq uy matbuot xizmati.
Ma`lum bo`lishicha, AQSh boshqa mamlakatlarga jami 1,2 milliard doza vaksina etkazib berishni rejalashtirgan.
“Butun dunyoda pandemiyaga qarshi kurash olib borish uchun boshqalarni ham qo`shilishga chaqiramiz”, - deya ta`kidlanmoqda.
AQShda 197,4 million kishi to`liq emlangan. Bu esa aholining 59,4 foizini tashkil qiladi. Shuningdek, 233,5 mln kishi vaksinaning kamida bir dozasi bilan emlangan.
