Sevimli

“Omicron”ning yangi turi topildi. U PZR testda aniqlanmaydi

Salomatlik 08.12.2021, 17:29
“Omicron”ning yangi turi topildi. U PZR testda aniqlanmaydi

Koronavirusning "omicron" shtammining PZR testlarida aniqlash qiyin bo`lgan turi topildi. Bu navni odatiy testda aniqlash qiyinligi uchun "ko`rinmas" deb atalmoqda.

Ta`kidlashicha, yangi variant mutasiyalar to`plami bo`yicha standart "omicron"ga o`xshash, biroq unda sinov orqali aniqlash imkonini beruvchi qism etishmaydi. Olimlarning aytishicha, tuzilishdagi farqlar tufayli yangi tur allaqachon ma`lum bo`lgan turdan farqli o`laroq tez tarqalishi mumkin.

Shuningdek, mutaxassislar B.1.1.529 deb nomlangan dastlabki "omicron"ni kichik turlarga bo`lishgan. Dastlab ma`lum bo`lgan nav BA.1, yangi "ko`rinmas" deb atalayotgani BA.2 deb nomlangan.

Ma`lumot uchun "omicron"ning bu yangi navi bilan kasallanish Janubiy Afrika mintaqasi, Avstraliya va Kanadada aniqlangan. Hozirda yangicha navni yuqtirgan bemorlar soni 12 nafarni tashkil qilmoqda.

Bundan tashqari Jahon sog`liqni saqlash tashkiloti "omicron" “delta" shtammiga qaraganda osonroq yuqishi mumkinligini ta`kidladi. JSSTning shoshilinch kasalliklar bo`limi rahbari, epidemiolog Mariya Van Kerxovening aytishicha, "omicron" koronavirusning engil shtammini keltirib chiqaradi. Shuningdek, hozirgacha bu shtamm bilan bog`liq o`lim qayd etilmagan.

Sharhlar