Tadbirkorlik sub`ektlarining huquq va qonuniy manfaatlarini himoya qilish instituti takomillashtirilishi munosabati bilan “O`zbekiston Respublikasi Ma`muriy javobgarlik to`g`risidagi kodeksining 245 va 2458-moddalariga o`zgartishlar kiritish haqida”gi O`zbekiston Respublikasi Qonuni Senatning yalpi majlisida ko`rib chiqildi.
Qonun 2017–2021 yillarda O`zbekiston Respublikasini rivojlantirishning beshta ustuvor yo`nalishi bo`yicha Harakatlar strategiyasining “Yoshlarni qo`llab-quvvatlash va aholi salomatligini mustahkamlash yili”da amalga oshirishga oid davlat dasturiga muvofiq ishlab chiqilgan.
Qonun xususiy mulkka bo`lgan huquqni himoya qilish hamda mansabdor shaxslarning ko`chmas mol-mulkka aralashuv holatlarining oldini olishga qaratilgan.
O`zbekiston Respublikasi Prezidentining 2020 yil 29 dekabrdagi Oliy Majlisga Murojaatnomasida Biznes-ombudsmanga tadbirkorlarning huquqlarini buzgan davlat idorasi mansabdorlariga nisbatan ma`muriy javobgarlikka tortish bo`yicha vakolat berish taklifi bildirilgan edi.
Xususiy mulkni himoya qilish bilan bog`liq mazkur muammoli vaziyatlarlarni bartaraf etish maqsadida qonunchilikni takomillashtirish, shu jumladan, Ma`muriy javobgarlik to`g`risidagi kodeksda O`zbekiston Respublikasi Prezidenti huzuridagi Tadbirkorlik sub`ektlarining huquqlari va qonuniy manfaatlarini himoya qilish bo`yicha vakiliga tadbirkorlar manfaatlari buzilishi holatlari bo`yicha ayrim ma`muriy huquqbuzarliklar to`g`risidagi ishlarni ko`rib chiqish vakolatini berish belgilanmoqda.
Qonun qabul qilinishi xususiy mulk daxlsizligi, tadbirkorlik faoliyati erkinligini ta`minlash, davlat organlari mansabdor shaxslarining huquqbuzarlik profilaktikasini kuchaytirishning institusional mexanizmlarini yanada takomillashtirishga xizmat qiladi.
Qonun senatorlar tomonidan ma`qullandi.
11.09.2021, 18:37
Joriy yilning 7 sentyabr kuni “Qalampir.uz” veb-sayti jamoasi tomonidan Toshkent shahri, Yunusobod tumani, 2-mavzeda faoliyat olib borayotgan bir guruh tadbirkorlar murojaatini o`rganish maqsadida borilgan vaqtda,...
09.07.2021, 18:00
2021 yil 9 iyulda Oliy Majlis Senati Raisi Tanzila Narbaeva Rossiya Federasiyasining O`zbekiston Respublikasidagi Favqulodda va Muxtor elchisi O. Malginovni qabul qildi.Uchrashuvda O`zbekiston-Rossiya munosabatlarining holati...
11.05.2021, 16:38
Internet nashrlari hamda ijtimoiy tarmoqlarda “Sergelidagilar qachon toza havodan nafas oladi?” sarlavhali xabar keng tarqalgan edi. Ushbu holat Senatning Agrar, suv xo`jaligi masalalari va ekologiya...
05.05.2021, 18:13
Hazorasp tumanida «Sadoqat Sarvara» fermer xo`jaligi rahbari Q. Ganjaev, «Aziza Charosxon» fermer xo`jaligi rahbari D. Xusinov, «Sherzod Aminboy Alisher Azizbek» fermer xo`jaligi rahbari Sh. Saidnazarov,...
