Тадбиркорлик субъектларининг ҳуқуқ ва қонуний манфаатларини ҳимоя қилиш институти такомиллаштирилиши муносабати билан “Ўзбекистон Республикаси Маъмурий жавобгарлик тўғрисидаги кодексининг 245 ва 2458-моддаларига ўзгартишлар киритиш ҳақида”ги Ўзбекистон Республикаси Қонуни Сенатнинг ялпи мажлисида кўриб чиқилди.
Қонун 2017–2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясининг “Ёшларни қўллаб-қувватлаш ва аҳоли саломатлигини мустаҳкамлаш йили”да амалга оширишга оид давлат дастурига мувофиқ ишлаб чиқилган.
Қонун хусусий мулкка бўлган ҳуқуқни ҳимоя қилиш ҳамда мансабдор шахсларнинг кўчмас мол-мулкка аралашув ҳолатларининг олдини олишга қаратилган.
Ўзбекистон Республикаси Президентининг 2020 йил 29 декабрдаги Олий Мажлисга Мурожаатномасида Бизнес-омбудсманга тадбиркорларнинг ҳуқуқларини бузган давлат идораси мансабдорларига нисбатан маъмурий жавобгарликка тортиш бўйича ваколат бериш таклифи билдирилган эди.
Хусусий мулкни ҳимоя қилиш билан боғлиқ мазкур муаммоли вазиятларларни бартараф этиш мақсадида қонунчиликни такомиллаштириш, шу жумладан, Маъмурий жавобгарлик тўғрисидаги кодексда Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилига тадбиркорлар манфаатлари бузилиши ҳолатлари бўйича айрим маъмурий ҳуқуқбузарликлар тўғрисидаги ишларни кўриб чиқиш ваколатини бериш белгиланмоқда.
Қонун қабул қилиниши хусусий мулк дахлсизлиги, тадбиркорлик фаолияти эркинлигини таъминлаш, давлат органлари мансабдор шахсларининг ҳуқуқбузарлик профилактикасини кучайтиришнинг институционал механизмларини янада такомиллаштиришга хизмат қилади.
Қонун сенаторлар томонидан маъқулланди.
11.09.2021, 18:37
Жорий йилнинг 7 сентябрь куни “Qalampir.uz” веб-сайти жамоаси томонидан Тошкент шаҳри, Юнусобод тумани, 2-мавзеда фаолият олиб бораётган бир гуруҳ тадбиркорлар мурожаатини ўрганиш мақсадида борилган вақтда,...
09.07.2021, 18:00
2021 йил 9 июлда Олий Мажлис Сенати Раиси Танзила Нарбаева Россия Федерациясининг Ўзбекистон Республикасидаги Фавқулодда ва Мухтор элчиси О. Мальгиновни қабул қилди.Учрашувда Ўзбекистон-Россия муносабатларининг ҳолати...
11.05.2021, 16:38
Интернет нашрлари ҳамда ижтимоий тармоқларда “Сергелидагилар қачон тоза ҳаводан нафас олади?” сарлавҳали хабар кенг тарқалган эди. Ушбу ҳолат Сенатнинг Аграр, сув хўжалиги масалалари ва экология...
05.05.2021, 18:13
Ҳазорасп туманида «Садоқат Сарвара» фермер хўжалиги раҳбари Қ. Ганжаев, «Азиза Чаросхон» фермер хўжалиги раҳбари Д. Хусинов, «Шерзод Аминбой Алишер Азизбек» фермер хўжалиги раҳбари Ш. Саидназаров,...
