AQSh koronavirusning yangi "omikron" shtammi aniqlangan Afrika mamlakatlaridan kirishga qo`yilgan taqiqni bekor qiladi. Bu haqda Oq uy matbuot xizmati xabar berdi.
Qayd etilishicha, taqiq 31 dekabrdan boshlab o`z kuchini yo`qotadi. Faqatgina, Afrikadan kelganlar qattiq tekshiruvlar asosida qabul qilinadi.
Oq uy matbuot kotibi yordamchisi Kevin Munos so`zlariga ko`ra, "omikron" uchun qo`llaniladigan vaksinalar ma`lum bo`lgan va uning xavflilik darajasi yuqori emas deb hisoblaydi.
Avvalroq AQSh hukumati 29 noyabrdan boshlab JAR, Botsvana, Zimbabve, Nambiya va Afrikaning boshqa mamlakatlaridan keluvchilar uchun taqiq joriy etgandi.