АҚШ коронавируснинг янги "омикрон" штамми аниқланган Африка мамлакатларидан киришга қўйилган тақиқни бекор қилади. Бу ҳақда Оқ уй матбуот хизмати хабар берди.
Қайд этилишича, тақиқ 31 декабрдан бошлаб ўз кучини йўқотади. Фақатгина, Африкадан келганлар қаттиқ текширувлар асосида қабул қилинади.
Оқ уй матбуот котиби ёрдамчиси Кевин Муньос сўзларига кўра, "омикрон" учун қўлланиладиган вакциналар маълум бўлган ва унинг хавфлилик даражаси юқори эмас деб ҳисоблайди.
Аввалроқ АҚШ ҳукумати 29 ноябрдан бошлаб ЖАР, Ботсвана, Зимбабве, Намбия ва Африканинг бошқа мамлакатларидан келувчилар учун тақиқ жорий этганди.
