Chexiyaning Vlashim shahrida istiqomat qiluvchi fuqaro atayin koronavirus infeksiyasini tarqatishda ayblanmoqda. Hukumat uch yillik qamoq jazosini tayinlashi mumkin. Bu haqda huquq-tartibot idoralari xodimlariga tayanib, Vlesk nashri xabar bermoqda.
Xabarda aytilishicha, 2021 yilning noyabrida 43 yoshli erkakning koronavirusga topshirgan testi ijobiy chiqqan. Shifokorlar unga uy sharoitida qolishini buyurishgan.
U esa jamoat joylariga niqob yoki respiratorsiz tashrif buyurgan. Hattoki, o`zining yaqin qarindoshlarinikiga ham shu tariqa borgani aytilmoqda.
Polisiya xabariga ko`ra, ushbu erkak 100 nafar kishi bilan aloqada bo`lgan va ularning barchasida kasallik aniqlangan.
Shu holat yuzasidan unga nisbatan jinoyat ishi ochilgan.
