Чехиянинг Влашим шаҳрида истиқомат қилувчи фуқаро атайин коронавирус инфекциясини тарқатишда айбланмоқда. Ҳукумат уч йиллик қамоқ жазосини тайинлаши мумкин. Бу ҳақда ҳуқуқ-тартибот идоралари ходимларига таяниб, Вlesk нашри хабар бермоқда.
Хабарда айтилишича, 2021 йилнинг ноябрида 43 ёшли эркакнинг коронавирусга топширган тести ижобий чиққан. Шифокорлар унга уй шароитида қолишини буюришган.
У эса жамоат жойларига ниқоб ёки респираторсиз ташриф буюрган. Ҳаттоки, ўзининг яқин қариндошлариникига ҳам шу тариқа боргани айтилмоқда.
Полиция хабарига кўра, ушбу эркак 100 нафар киши билан алоқада бўлган ва уларнинг барчасида касаллик аниқланган.
Шу ҳолат юзасидан унга нисбатан жиноят иши очилган.
