Sevimli

Navoiyda avtomobilni jarima maydoniga olib ketayotgan YPX xodimi ayovsiz do`pposlandi (video)

Jamiyat 23.01.2022, 10:44
Navoiyda avtomobilni jarima maydoniga olib ketayotgan YPX xodimi ayovsiz do`pposlandi (video)

Ijtimoiy tarmoqda Navoiyda YPX xodimi va haydovchi o`rtasida yuzaga kelgan tortishuv janjalga aylangani aks etgan video tarqaldi.

Ichki ishlar vazirligi Jamoat xavfsizligi departamenti Yo`l harakati xavfsizligi xizmati bu haqda ma`lumot berdi.

Ta`kidlanishicha, 22 yanvar kuni soat 12:20 larda, Navoiy viloyati, Navbahor tumani hududidan o`tuvchi A-379 avtomobil yo`lining 3-kilometrida YPX xodimi D.Toshov tomonidan "Matiz" rusumli avtomobil haydovchisi to`xtatilgan. 

Tekshiruv davomida haydovchi yo`lovchi tashish faoliyati bilan shug`ullanishi, uning yonida kunlik yo`l varaqasi mavjud emasligi ma`lum bo`lgan. Shundan so`ng, YPX xodimi tomonidan haydovchiga nisbatan ma`muriy bayonnoma tuzilib, avtomobil vaqtincha saqlash uchun jarima maydoniga olib ketilayotgan vaqtda, haydovchi, 1993 yilda tug`ilgan A.T. YPX xodimiga faol qarshilik ko`rsatgan va tortishuvli vaziyat yuzaga kelgan.

️Holat sodir bo`lgan joyga tuman IIB tezkor-tergov guruhi va prokuratura xodimlari chiqib, tegishli hujjatlar rasmiylashtirilgan.

️Hozirda tuman prokuraturasi tomonidan surishtiruv harakatlari olib borilmoqda.

Шарҳлар