Bugun, 28-yanvar kuni, soat taxminan 12 larda yosh ayol bizga noma`lum sabablarga ko`ra haloyiqning ko`z oldida kichkina qizaloqni ayiq voleriga tashlab yubordi. Bu haqda haqda hayvonot bog`ning matbuot xizmati xabar berdi.
Xabarda aytilishicha, Kavkaz qo`ng`ir ayig`i o`z volerida yotib olib, qizaloqni metall to`siqdan ustidan otib yuborgan ayol harakatlarini kuzatdi. Mehmonlar va xodimlarning urinishlariga qaramasdan, ayolni to`xtatib qolishning imkoni bo`lmadi, u bolani yirtqichning voleriga otib yuborgan.
Ayiq esa sekingina zovurga tushib, qizaloqni hidlab ko`rdi va undan uzoqlashdi.
"Yirtqichlar» bo`limi xodimlari tez harakat qilishdi va ayiqni ichki xonaga chaqirishni boshlashdi, ayiq ham qarshilik ko`rsatmasdan xonaga kirdi.
Bola hayvonot bog`ining hamshirasi tomonidan ko`rikdan o`tkazildi. Qizaloq yirtqich tishlari va panjalaridan emas, faqat qariyb 5 metr balandlikdan yiqilish tufayli jarohat olgan. Dastlabki ko`rikda urilishlardan tashqari ko`zga ko`rinarli jiddiy shikastlar aniqlanmadi.
Ayni damda huquqni muhofaza qilish organlari ushbu voqea sabablarini o`rganishmoqda. Bola shifokorlar nazorati ostida.
Toshkent hayvonot bog`i qizaloqqa tibbiy yordam ko`rsatish bilan bog`liq barcha harajatlarni o`z zimmasiga oladi va uning tezroq tuzalib ketishini tilab qoladi", - deyiladi xabarda.
