Davlatimiz rahbari yig`ilish mobaynida mavzuni davom ettirib, obro`-e`tiborli, katta hayotiy tajribaga ega “Oqila ayollar” harakatini tashkil qilishni taklif etdi.
"Bu harakat tom ma`noda “mahallaning vijdoni”ga aylanishi kerak. Chunki, ma`rifatli jamiyatni ma`rifatli onalarsiz qurib bo`lmaydi.
Biz Uchinchi Renessans poydevorini qurish, jamiyatda yangi ma`naviy makon yaratish haqida gapirar ekanmiz, bu ishlarni oila, onalar ma`naviyati bilan uzviy amalga oshirishimiz zarur.
Hech bir ona farzandining kelgusida baxtsiz bo`lishini istamaydi.
Shu ma`noda, men muhtarama onalarimizga murojaat qilmoqchiman. Bugun biz Vatanning shon-shuhratini yuksaltiradigan tarixiy davrga qadam qo`ydik.
Shuning uchun, sizlar farzandingizning qalbiga ulug` maqsadlarni, ezgu g`oyalarni singdiring, buyuk orzularni joylashga intiling.
Onalarimiz yuksak fazilatli, mard, jasur farzandlarni tarbiyalab bersa, biz ularni zamonaviy maktab va oliygohlarda kamolga etkazamiz.
Maqsadimiz – har bir oila, xonadon va mahalla mana shu ulug` harakatning markaziga aylansin", dedi Prezident.
