O`zbekiston Respublikasi Shaxsiy xavfsizlik Bosh boshqarmasi Sirdaryo viloyati bo`yicha bo`limi, Boshqarma Jinoyat qidiruv boshqarmasi Korrupsiya va iqtisodiy jinoyatlarga qarshi kurashish bo`limi tomonidan Guliston shahar hududida tezkor tadbir o`tkazdi. Bu haqda viloyat IIB xabar berdi.
Ma`lum bo`lishicha, o`tkazilgan tezkor tadbirlari natijasida, N.R hamda I.Blar “V” toifasidagi engil avtomashinalarni boshqarish uchun D.Mga “haydovchilik guvohnomasi”ni olib berish evaziga undan 100 AQSh dollari miqdordagi pullarni talab qilib olgan vaqtida qo`lga olindi.
Mazkur holat yuzasidan N.R hamda I.Blarga nisbatan Sirdaryo viloyati IIB huzuridagi Tergov boshqarmasi tomonidan O`zbekiston Respublikasi JKning 168-M 1-Q, 25,211-moddasi 1-qismi bilan jinoyat ishi qo`zg`atilib tergov harakatlari olib borilmoqda.
