Xabaringiz bor, bir muddat avval, 28 yanvar kuni, soat taxminan 12 larda yosh ayol bizga noma`lum sabablarga ko`ra haloyiqning ko`z oldida kichkina qizaloqni ayiq voleriga tashlab yuborgan edi. 3 yoshli qizaloq shfixonaga joylashtirilib, unga tibbiy yordam ko`rsatildi va 21 fevral kuni qizaloqqa uyiga javob berildi.
Mazkur holat yuzasidan onaga nisabatan Jinoyat kodeksining 25, 97-moddasi 2-qismi “v” bandi (Qasddan odam o`ldirishga suiqasd qilish) bilan jinoyat ishi qo`zg`atilgan.
Ayni paytda Bosh prokuratura Matbuot xizmati mazkur jinoyat ishi bo`yicha ma`lumot berdi.
Keltirilishicha, Toshkent hayvonot bog`ida qizini ayiqlar voleriga tashlab yuborgan ayolga ko`zg`atilgan jinoyat ishi unga nisbatan tibbiy yo`sindagi majburlov choralarini qo`llash masalasini hal etishlik uchun jinoyat ishlari bo`yicha Toshkent shahar sudiga yuborish haqida qaror qabul qilindi.
Sudga oid psixiatriya va psixologiya kompleks ekspertizalari xulosalariga ko`ra, ayol umrbod ruhiy xastalik bilan betoblanib kelgani, ruhiy holatidan kelib chiqqan holda, u tergov va sudda to`g`ri ko`rsatmalar berish qobiliyatiga ega emasligi ko`rsatilgan.
