Buyuk Britaniyaning Bristol universiteti tadqiqotchilari tomonidan qo`l barmoqlari o`rnini bosuvchi noyob protez yaratildi. Bu haqda Sog`liqni saqlash vazirligi Matbuot xizmati xabar bermoqda.
3D-printer yordamida yasalgan mazkur qurilma yuzasi sun`iy teri bilan qoplangan. U inson barmoqlariga xos barcha funksiyalarni bajarishga qodir. Qolaversa, tashqi ta`sirlar, masalan, issiq va sovuqni, og`riqni his qilish qobiliyatiga ega.
Buning uchun protez inson barmoqlari uchidagi turli nerv tolalari singari miyaga signallar jo`natadagan maxsus mitti sensorlar bilan jihozlangan.
Olimlar haqiqiy taktil neyronlar faoliyatiga juda o`xshash ushbu sun`iy nerv signallari hosil qilinishini katta voqelik, deb hisoblamoqda.
Qolaversa, tajribalar davomida protez barmoqlar qoplamalarini xuddi inson terisi bilan bir xil ko`rinishda yasashga muvaffaq bo`lindi.
Mutaxassislar fikricha, bu kashfiyot kelajakda robotlar qo`llarini yaratishda ham foydali bo`lishi mumkin. Chunki mazkur protezlar kichik va nozik detallar bilan ishlash imkonini beradi.
