2022 yil 15 maydan boshlab “Uzbekistan Airways” AJ Buxoro – Istanbul – Buxoro yangi xalqaro yo`nalishi bo`yicha muntazam aviaqatnovlarni yo`lga qo`yadi. Bu haqda milliy aviakompaniya matbuot xizmati xabar bermoqda.
Ma`lum qilinishicha, parvozlar haftada ikki marta payshanba va yakshanba kunlari amalga oshiriladi.
Aviachiptalarni aviakompaniyaning rasmiy saytidan, Uzbekistan Airways Sales filialidan yoki aviakompaniya agentlaridan xarid qilib olish mumkin.
