Sevimli

“TURKTAV” jamg`armasi tarixiy qo`lyozmalarning asl nusxasini O`zbekistondagi universitet kutubxonasiga sovg`a qildi

Madaniyat 20.05.2022, 15:54
“TURKTAV” jamg`armasi tarixiy qo`lyozmalarning asl nusxasini O`zbekistondagi universitet kutubxonasiga sovg`a qildi

Bugun, 20 may kuni “ShHT mamlakatlari hamkorligining yangi bosqichi: turizm va madaniy meros” forumi doirasida “TURKTAV” jamg`armasi tomonidan O`zbekiston tarixiga oid qo`lyozmalarning asl nusxalari “Ipak yo`li” turizm va madaniy meros institutining kutubxonasiga topshirildi. Bu haqda "darakchi.uz" muxbiri xabar bermoqda. 

Mazkur tashabbus Turizm va Madaniy meros vazirligi tomonidan amalga oshirildi. Ayni vaqtga qadar Fond tomonidan 55 ming elektron qo`lyozma hujjatlar raqamlashtirilgan. Ushbu loyiha doirasida Turkiya arxivlaridan topilgan hujjatlardan Buxoro, Qo`qon va Xorazm xonliklariga tegishlilari topildi. Turk dunyosi madaniy merosini ayirboshlash yuzasidan ushbu arxiv hujjatlari katta ahamiyatga ega.

Forum doirasida “TURKTAV” jamg`armasi va Turizm va madaniy meros vazirligi o`rtasida hamkorlik to`g`risidagi muhim hujjat memorandum imzolandi. Ayni vaqtga qadar Fond tomonidan 55 ming elektron qo`lyozma hujjatlar raqamlashtirilgan. Usmonlilar davlatining olti asrlik hukmronlik davrida o`zi bevosita aloqador bo`lgan mamlakatlarning geografiyasi va tarixiga oid millionlab hujjatlar to`plangan.

Bugungi kungacha etib kelgan bu hujjatlar Turkiya arxiv fondlarida saqlanmoqda va ularning soni millionlarni tashkil etadi. Bu boy to`plam keng geografiyani o`z ichiga olgan bo`lib, Usmonlilar imperiyasi tarkibida bo`lgan va bugungi kunda mustaqillikka erishgan qariyb qirq davlat, shuningdek, XV-XX asrlarda Yaponiyadan Amerikaga qadar mavjud bo`lgan yuzlab mamlakatlar tarixiga oid hujjatlarni o`z ichiga oladi. Arxivda ushbu davlatlarning XX asrgacha bo`lgan tarixini yoritib turuvchi hujjatlar mavjud. Shunday qilib, turkiy arxiv fondlarida tarixiy Turkiston xonliklarining farmonlari, o`zaro munosabatlari, shuningdek, atrofdagi davlatlar va bevosita yoki bilvosita Usmonlilar davlati bilan munosabatlariga oid minglab hujjatlar mavjudligi shubhasiz.

Ushbu loyiha doirasida Turkiya arxivlaridan topilgan hujjatlardan Buxoro, Qo`qon va Xorazm xonliklariga tegishlilari topildi. 

Sharhlar