Бугун, 20 май куни “ШҲТ мамлакатлари ҳамкорлигининг янги босқичи: туризм ва маданий мерос” форуми доирасида “TURKTAV” жамғармаси томонидан Ўзбекистон тарихига оид қўлёзмаларнинг асл нусхалари “Ипак йўли” туризм ва маданий мерос институтининг кутубхонасига топширилди. Бу ҳақда "darakchi.uz" мухбири хабар бермоқда.
Мазкур ташаббус Туризм ва Маданий мерос вазирлиги томонидан амалга оширилди. Айни вақтга қадар Фонд томонидан 55 минг электрон қўлёзма ҳужжатлар рақамлаштирилган. Ушбу лойиҳа доирасида Туркия архивларидан топилган ҳужжатлардан Бухоро, Қўқон ва Хоразм хонликларига тегишлилари топилди. Турк дунёси маданий меросини айирбошлаш юзасидан ушбу архив ҳужжатлари катта аҳамиятга эга.
Форум доирасида “TURKTAV” жамғармаси ва Туризм ва маданий мерос вазирлиги ўртасида ҳамкорлик тўғрисидаги муҳим ҳужжат меморандум имзоланди. Айни вақтга қадар Фонд томонидан 55 минг электрон қўлёзма ҳужжатлар рақамлаштирилган. Усмонлилар давлатининг олти асрлик ҳукмронлик даврида ўзи бевосита алоқадор бўлган мамлакатларнинг географияси ва тарихига оид миллионлаб ҳужжатлар тўпланган.
Бугунги кунгача етиб келган бу ҳужжатлар Туркия архив фондларида сақланмоқда ва уларнинг сони миллионларни ташкил этади. Бу бой тўплам кенг географияни ўз ичига олган бўлиб, Усмонлилар империяси таркибида бўлган ва бугунги кунда мустақилликка эришган қарийб қирқ давлат, шунингдек, XV-XX асрларда Япониядан Америкага қадар мавжуд бўлган юзлаб мамлакатлар тарихига оид ҳужжатларни ўз ичига олади. Архивда ушбу давлатларнинг ХХ асргача бўлган тарихини ёритиб турувчи ҳужжатлар мавжуд. Шундай қилиб, туркий архив фондларида тарихий Туркистон хонликларининг фармонлари, ўзаро муносабатлари, шунингдек, атрофдаги давлатлар ва бевосита ёки билвосита Усмонлилар давлати билан муносабатларига оид минглаб ҳужжатлар мавжудлиги шубҳасиз.
Ушбу лойиҳа доирасида Туркия архивларидан топилган ҳужжатлардан Бухоро, Қўқон ва Хоразм хонликларига тегишлилари топилди.
