Agar taqdir insonlarni birlashtirsa, ularning hayot yo`llari qo`shilishiga hech kim va hech narsa to`sqinlik qilolmaydi. Xatto qamoqxona ham...
Rustam hayotining eng go`zal damlari ham "zona" devorlari ortida boshlandi. Tonggi tekshiruvdan so`ng boshqa mahkumlar ishga ketganida unga otyadga qaytib, marosimga tayyorgarlik ko`rishga ruxsat berildi. Chunki bu kun uning hayotidagi muhim voqea. U 7 yil kutgan sevgilisi bilan qonuniy nikohdan o`tdi. Quvonarlisi, bunga mahkum ekani aslo ta`sir qilmadi.
"5 yarim yil Navoiy viloyati, Qiziltepa tumani jinoyat o`tash kaloniyasida bo`ldim. Qilgan ishimdan pushaymonman. Lekin oila bu oila. Biz behosdan jinoyat sodir etganmiz. Jazo muqarrarligi uchun mana, o`tiribmiz",-deydi Rustam.
Ma`lum bo`lishicha, Rustam ko`ngil qo`ygan qizi bilan oila qurishga axdlashib, xorijga ishlashga borib keladi. O`sha kunda mash`um voqea sababchisi bo`lib qoladi.
"16 yil Rossiyada yashab kelganman. Bir kuni pochcham kelib, opamga qo`l ko`tardi. Uning yoninig olaman deb, o`ldirib qo`yganman. Shundan keyin milisiyaga bordim. Etib kelgan joyim shu er bo`ldi",-deydi u.
Samarqanddagi 37 manzil koloniyasida yor-yor sadolari eshitildi. Oshiq mahkum Rustam Lola rasmiy nikohiga oldi.
Xususan, uning rafiqasi Lola qamoqxonada Rustamni ko`rishda katta qiyinchilikka duch kelganini ta`kidlaydi.
"Bizda nikoh guvohnomasi bo`lmaganligi barcha qiyinchiliklarga sabab bo`lardi. Uning oldiga qamoqxonaga kelganimda ko`risholmasdim. Faqat telefon orqali gaplashardik. Muassasa rahbarlariga rahmat",-deya minnatdorlik bildiradi Lola Rahimova to`yga ruxsat berilganidan quvonib.
Bu kunni kutish kerak bo`lsa, yana kutardim, deydi kelin...
