Butunjahon hunarmandlar kengashi qadimiy Buxoroga Jahon hunarmandlar shahri maqomini berdi, deya xabar bermoqda “Dunyo” AA shahar hokimi Jamol Nasirovga tayanib.
Hokimning qayd etishicha, Buxoroda “Usta-shogird” an`anasi orqali hunarmandlarning oilaviy sulolalari avloddan-avlodga kasb sirlarini etkazib kelmoqda. Bugungi kunda 800 nafar hunarmand va ularning 5 mingga yaqin shogirdi faoliyat yuritmoqda.
Xususan, ipak gilamdo`zligi, kulolchilik, zardo`zlik va zargarlik, kashtachilik, yog`och o`ymakorligi kabi ko`plab hunarmandchilik turlari ravnaq topmoqda.
Eslatib o`tamiz, kecha Buxoro shahrida birinchi Xalqaro zardo`zlik va zargarlik festivali anjuman ishtirokchilarining bayramona yurishi bilan boshlandi.
25 mayga qadar davom etadigan festivalda respublikamizning barcha viloyatlaridan hunarmandlar ishtirok etmoqda.
