Xitoy Rossiya aviakompaniyalarining ikkita yurisdiksiyada ro`yxatga olingan Boeing va Airbus samolyotlari uchun havo hududlarini yopdi. Bu haqda RBK xabar bermoqda.
Manbalarning birining so`zlariga qaraganda, Xitoy barcha aviakompaniyalardan samolyotlarga oid elektron ma`lumotnomani shakllantirishni so`ragan.
Xitoyga uchayotgan Rossiya aviatashuvchilari ma`lumotni yangilagan. Ammo Xitoy rasmiylari Rossiya aviatashuvchilarining import qilingan samolyotlari xorijda rasman ro`yxatdan o`tkazilganligini tasdiqlashni so`ragan. Aviakompaniyalar bunday hujjatlarni taqdim eta olmagan. Shu sababli, xalqaro aviasiya qonunchiligiga muvofiq, bu samolyotlarning Xitoyga kirishiga ruxsat berilmagan.
