Bosh prokuratura huzuridagi Departamentning Mirobod tuman bo`limi tomonidan DXX xodimlari bilan hamkorlikda tezkor tadbir o`tkazildi.
Unda, muqaddam firibgarlik va boshqa jinoyatlari uchun sudlangan G.S. o`ziga tegishli xulosa chiqarmasdan boshqa bir fuqaro S.ning ishonchiga kirib, go`yoki hokimiyatda ishlovchi tanishlari orqali uy-joy olish uchun subsidiya mablag`i olib berishini aytib, dastlab uning 1 000 AQSh dollarini qo`lga kiritib, yana 700 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo`zg`atilib, tergov harakatlari o`tkazilmoqda.