O`zbekiston Respublikasi Gidrometeorologiya xizmati markazi tomonidan berilgan ma`lumotga ko`ra, joriy yilning 17-22 iyul kunlari O`zbekiston hududiga Turkmaniston orqali Eron hududlaridan issiq havo kirib kelishi kuchayishi sababli kunduz kunlari havo harorati:
Qoraqalpog`iston Respublikasida, Xorazm, Buxoro, Navoiy, Qashqadaryo, Surxondaryo viloyatlarida 44-47° gacha;
Toshkent, Samarqand, Jizzax, Sirdaryo viloyatlarida 42-45° gacha;
Farg`ona vodiysi viloyatlarida 41-43° gacha ko`tariladi.
Respublika bo`yicha ba`zi joylarda shamol chang-to`zonlar bilan 15-20 m/s gacha kuchayishi kutilmoqda. Ayrim joylarda shamol 22-25 m/s gacha kuchayishi mumkin.
Shu o`rinda Favqulodda vaziyatlar vazirligi aholidan ehtiyotkorlik choralarini ko`rishni so`raydi. Shuningdek, kuchli shamol vaqtida avtomobillarni daraxtlar ostida qoldirmaslikni tavsiya etadi, - deyiladi xabarda.
