"Gap 35 million aholimizning hayotini engil qiladigan, kayfiyatiga bevosita ta`sir ko`rsatadigan – davlat xizmatini isloh qilish hamda boshqaruvda natijadorlik va sifatni oshirish haqida borayapti",-degan edi davlat rahbari bundan bir muddat avval o`tkazilgan videoselektor yig`ilishida.
Davlat rahbari uzoq kutilgan "Davlat fuqarolik xizmati to`g`risida"gi Qonunni imzoladi.
Bu bilan endilikda O`zbekistonda:
Shu va shu kabi qator masalalar bugun Qonunning mazmun-mohiyatiga bag`ishlangan matbuot anjumanida tilga olindi.
Roppa-rossa 1 soat davomida qizg`in savol-javoblar bilan AOKAda bo`lib o`tgan mazkur anjumanida ta`kidlab o`tilishicha, mazkur Qonun qabul qilinishiga qadar 5 marotaba konferensiya tashkillashtirildi. Ekspertlarning fikricha, bu kabi hujjatlar qabul qilinishi butun dunyo tajribasida yillar davomida amalga oshirilgan. Xatto ayrim mamlakatlar unga bir necha marotaba o`zgartirishlar ham kiritgan.
Albatta, davlat xizmatchilarining tegishli munosabatlarini huquqiy tartibga solish puxta reja va uzoq muddatli tajriba asosida kechadigan jarayon.
Ma`lumot o`rnida, hujjat vazirlik va idoralar mutaxassislari, xorijiy ekspertlar va jamoatchilik vakillari ishtirokida tayyorlandi. U 10 ta bob va 64 ta moddadan iborat.
Qonun bilan davlat fuqarolik xizmati sohasida vakolatli organ etib — Prezident huzuridagi Davlat xizmatini rivojlantirish agentligi belgilandi.
Tadbirda Darakchi.uz tomonidan mutasaddilarga murojaat etilib, davlat mulkidan faqat xizmat maqsadlarida foydalanishi shartligi kabi muhim normalarga amal qilinmagan taqdirda qanday javobgarlik belgilanishi masalasi o`rtaga tashlandi.
Davlat xizmatini rivojlantirish agentligi departament mudiri Abdihamid Tamiqaevning keltirib o`tishicha, Qonunning 13-moddasiga asosan davlat fuqarolik xizmatchisi uchun aniq cheklovlar belgilanyapti.
“Bir narsaga e`tibor berishimiz kerak. Hozirgi kunda ham davlat xizmatchilari uchun u yoki bu qonun hujjatlarida ko`plab cheklovlar mavjud. Qilinishi mumkin bo`lmagan masalalar va tegishli majburiyatlarimiz bor. Shu jumladan, hozir ham o`zimiz xizmat lavozimimizni bajarishimiz uchun davlatning bizga topshirgan mulkini shaxsiy ishlarimiz uchun ishlatishga haqqimiz yo`q. Buning uchun qonunchilikda ham javobgarlik belgilangan. Qabul qilingan yangi qonunda ham shunga o`xshash bir qator cheklovlar belgilangan”—deydi mutasaddi.
Tadbirda ma`lum qilinishicha, ayni paytga qadar 37 000 dan ortiq fuqaro ochiq tanlov asosida https://vacancy.argos.uz/ orqali davlat xizmatiga qabul qilindi.
Davlat xizmatini rivojlantirish agentligi direktorining birinchi o`rinbosari Otabek Hasanovning ta`kidlashicha, yuqoridagi tizimga tegishli lavozimga hujjat topshirgan shaxsning ma`lumotlari avtomatik ravishda tekshiriladi, agar ma`lumotlar bazasida o`sha shaxsning yaqin qarindoshlari fuqaro tanlagan yo`nalishda faoliyat olib borayotgani ko`rinsa, talabgor malaka talabidan o`tolmaydi va unga rad javobi keladi.
Shuningdek, mutaxassislarning ma`lum qilishicha, 10 oktyabrdan Soliq va bojxona organlari davlat xizmatchilarining mol-mulki deklarasiya qilinadi.
Eslatib o`tamiz, "Davlat fuqarolik xizmati to`g`risida" gi Qonun rasman e`lon qilingan kundan 3 oydan so`ng kuchga kiradi.
