O`zbekiston Respublikasi Tashqi ishlar vazirligi joriy yil 17 avgust kuni Kobul masjidlaridan birida kechki namoz paytida sodir etilgan portlash yuzasidan bayonot berdi.
“Portlash natijasida ko`plab insonlarning o`limi va jarohatlangani to`g`risidagi xabarni chuqur qayg`u bilan qabul qildik.
Mazkur terrorchilik xurujini qat`iy qoralaymiz hamda ushbu vahshiyona xatti-harakatning tashkilotchilari va ijrochilarini aniqlash bo`yicha barcha choralar ko`rilishiga umid qilamiz.
Halok bo`lganlarining oilalari va yaqinlariga chin dildan hamdardlik bildirib, jabrlanganlarning sog`ayib ketishibi tilaymiz”, - deyiladi rasmiy bayonotda.
