20 avgust kuni o`z joniga qasd qilmoqchi bo`lgan Kasbilik yashovchi ayol qutqarib qolindi. Bu haqda "Nasafnews" xabar berdi.
Ma`lum qilinishicha, qishloqda yashovchi ayol X.S. o`z yashash uyidan 3 nafar voyaga etmagan farzandlarini olib chiqib ketgan. Uydan chiqishidan avval ayol turmush o`rtog`i bilan o`zaro janjallashib qolgan. Holatdan xabar topgan hudud profilaktika inspektori shundan keyin qidiruv ishlarini amalga oshirgan.
Aniq bo`lishicha, ayol Qarshi tumani va Qarshi shahri chegarasidan oqib o`tuvchi Qarshi magistral kanaliga borgan va o`zini suvga tashlagan.
Inspektor va ayolning akasi ayolni zudlikda suvdan olib chiqib, uning hayotini saqlab qoldi va unga birinchi yordam ko`rsatildi. Hozirda ayol va bolalarning ahvoli yaxshi.
"Holat yuzasidan Qarshi tumani prokuraturasi tergovga qadar tekshirish harakatlarini olib bormoqda" – deyiladi ma`lumotda.
