Putin Rossiyada qisman harbiy safarbarlik e`lon qilganidan so`ng, mamlakat bo`ylab keng norozilik namoyishlari bo`lib o`tmoqda. Moskvadagi namoyishchilarning aksariyatini ayollar tashkil etmoqda. Ular kecha tunda "Farzandlarimiz uchun hayot" deya hayqirib, Moskva ko`chalarini aylanishdi.
Shu jumladan, polisiya ishtirokchilarni hibsga olayotgani haqida xabar berilgandi.
Ayni paytda ijtimoiy tarmoqlarda ayrim hududlarda safarbarlik amalga oshirilayotgani bilan bog`liq ma`lumotlar tarqaldi.
Yakutiyada qisman safarbarlik paytida chaqirilgan aholi 205 ming rubldan oladi.
Bu haqda payshanba kuni Yakutiya hukumati matbuot xizmati xabar bergan.
"Safarbarlikka chaqirilgan barcha fuqarolar shartnoma bo`yicha harbiy xizmatchilarga tenglashtiriladi, ular bir xil miqdorda - lavozimi va harbiy unvoniga qarab 205 ming rubldan nafaqa oladilar ", — deyiladi xabarda.
Aniqlik kiritilishicha, birinchi navbatda, qisman safarbarlik chog`ida muddatli harbiy xizmatni yaqinda o`tagan fuqarolar chaqiriladi – ular muddatli harbiy xizmatni uch yildan ko`p bo`lmagan muddatda o`tab bo`lgan, harbiy ro`yxatga olingan va harbiy xizmatni o`tash ko`nikmasiga ega.
