Путин Россияда қисман ҳарбий сафарбарлик эълон қилди (видео)

Россия президенти Владимир Путин россияликларга, шунингдек, Украинанинг КХДР, ЛПР, Херсон ва Запороже вилоятлари аҳолисига мурожаат қилди. Унда президент Россияда қисман сафарбарлик эълон қилган. Бу ҳақда "kommersant" хабар қилди. 

Чақирувга фақат резервда бўлган ва ҳарбий хизматни ўтаган фуқаролар қабул қилинади. Улар жўнатилишдан олдин қўшимча тренингдан ўтадилар. Бу ҳақдаги фармон имзоланди ва Кремль сайтида эълон қилинди.

– Муддатли ҳарбий хизматга фақат ҳозирда резервда бўлган, биринчи навбатда, Қуролли Кучлар сафларида муддатли ҳарбий хизматни ўтаган, муайян ҳарбий мутахассислик ва тегишли тажрибага эга бўлган фуқароларгина чақирилади. Муддатли ҳарбий хизматга чақирилганлар бўлинмаларга жўнатилишдан олдин махсус ҳарбий операция тажрибасини инобатга олган ҳолда қўшимча ҳарбий тайёргарликдан ўтадилар”, — деди у.

Маълумот учун: кеча Украинанинг Херсон ва Запороже вилоятларининг россияпараст ҳокимияти, шунингдек, КХДР ва ЛХР раҳбарлари 23-27ь сентябр кунлари Россияга қўшилиш бўйича референдумлар ўтказилишини эълон қилди. Давлат Думаси, шунингдек, Россия Федерацияси Жиноят кодексига тузатишлар киритди, унга кўра кодекс "сафарбарлик" ва "ҳарбий ҳолат" тушунчалари билан тўлдирилади.