Qashqadaryo viloyatida fuqarolar tomonidan qalbaki pul muomalaga kiritlgani aniqlandi. Bu haqda "darakchi.uz"ga Bosh prokuratura matbuot xizmati xabar qildi.
Ma`lum qilinishicha, 2022 yil 7 oktyabr kuni Shahrisabz tumani, Shamaton mahallasida yashovchi, 1997 yilda tug`ilgan A.J. va 1999 yilda tug`ilgan R.M. fuqaro M.N.ning ishonchiga kirib, unga tegishli bo`lgan “Cobalt” rusumli transport vositasini 13.400 AQSh dollariga sotib olishga kelishadi.
Ikki sherik o`zlarida avvaldan saqlab kelgan qalbaki bir xil LB 61958088G seriya va raqamlarga ega bo`lgan 134 dona 100 kupyuradagi jami 13.400 AQSh dollarini fuqaro M.N.ga “Cobalt” rusumli transport vositasini puli sifatida taqdim qilgan.
2022 yil 10 oktyabr kuni Departamentning Shahrisabz tuman bo`limi tomonidan A.J. va boshqalarga nisbatan JKning 176-moddasi 2-qismi “b,v” bandlari va boshqa moddalar bilan jinoyat ishi qo`zg`atilgan.
