Bu haqda Samarqand viloyati hokimligi xabar bermoqda.
Nurobod tumani hokimligida o`tkazilayotgan xalq deputatlari tuman Kengashining navbatdan tashqari sessiyasida tashkiliy masala ko`rildi.
Sessiyada deputatlar tomonidan Berdiqulov Sirojiddin Valiqulovich nomzodi Nurobod tumani hokimi lavozimiga tasdiqlandi.
Sirojiddin Valiqulovich Berdiqulov 1979 yilda Samarqand viloyati, Jomboy tumanida tug`ilgan. Mazkur tayinlovga qadar O`zbekiston Respublikasi Veterinariya va chorvachilikni rivojlantirish davlat qo`mitasi raisining birinchi o`rinbosari lavozimida faoliyat olib borgan.
Eslatib o`tamiz, biroz avval Sardoba va Farg`ona tumanlariga yangi hokim tayinlangani haqida xabar bergan edik.
