Navoiyda “Lacetti” haydovchisi ikki nafar piyodani urib yubordi

Joriy yilning 15 noyabr kuni soat 17:50 larda Navoiy viloyati Navoiy shahri Imom al-Buxoriy ko`chasida haydovchi, 1987 yilda tug`ilgan X.A. “Lacetti” rusumli avtomobilda harakatlanayotib, tartibga solinmagan piyodalar o`tish joyidan yo`lni piyoda kesib o`tayotgan A.A. va B.B.larni urib yuborgan. Bu haqda Yo`l harakati xavfsizligi xizmati xabar bermoqda.

Qayd etilishicha, hodisa natijasida piyodalar tan jarohati bilan shifoxonaga yotqizilgan.

Hozirda mazkur YTH yuzasidan Navoiy shahri IIB huzuridagi TB tomonidan dastlabki tergov harakatlari olib borilmoqda.