Noyabrning oxirida bizni qanday ob-havo kutmoqda?

O`zgidromet noyabr oyining oyuirgi haftaligida kutilayotgan ob-havo ma`lumotlarini prognoz qildi.

Unga ko`ra, tespublikaning katta qismida ish haftasi davomida iliq, quyoshli faqat dushanba janub viloyatlaridan tashqari barcha viloyatlar, seshanba kuni Toshkent, Farg`ona vodiy viloyatlari hamda tog`li hududlarda yog`ingarchilik bo`lishi prognoz qilinmoqda. 

O`zbekistonda kutilajak iliq ob-havo uzoq O`rta Er siklonlari bilan bog`liq. Ular respublikaning katta qismiga o`z yog`inlari bilan ta`sir etmasada, haroratning o`zgarishida ularning faolligi yuqori. 

Siklonlar kenglik bo`ylab, Evropa sharqigacha shimoli-g`arbiy va shimoldan sovuq havo oqimlari yo`lini yopib turadi. Rossiya va Ukraina janubiga o`ta iliq havoni taqdim etadi. Bunday paytda Erondan kirib kelayotgan issiq havo Turkmaniston orqali O`zbekistonga ham kirib kelishida qulay vaziyat yuzaga keladi. 

Havo harorati hafta o`rtalarida janub viloyatlarda +20 darajagacha, poytaxtda +17 darajagacha yuqorilaydi. Hafta davomida tunlari ham hatto shimolda harorat +3 darajadan yuqori bo`lishi ta`minlanadi.

Keyinroq rus tekisliklaridan siklonlar sharqqa tomon chekingach, Markaziy Osiyo shimolida yuqori bosimli sovuq antisiklon sohasi shakllanadi. Oy oxirlariga borib, Qozog`iston shimolida antisiklon markazidagi bosim 1075 gPa ga yaqinlashadi. 

Ammo kelgusi prognozlar va hozirgi mavjud vaziyatda antisiklon O`zbekistonga chuqur ta`sir etmaydi. Tog`lar va shimoldagina harorat nol darajadan pasayishi mumkin. Ob havo xaritalarini kuzatishda davom etamiz, deyiladi xabarda.