O`zbekiston Respublikasining Birinchi Prezidenti vafoti haqidagi qayg`uli xabar butun dunyoni qalqitdi. Ana shu og`ir judolik munosabati bilan xorijiy ommaviy axborot vositalarida e`lon qilinayotgan maqolalarda chuqur hamdardliklar bildirilayotgani barobarida, zamonaviy O`zbekiston tarixida Islom Karimovning tutgan o`rni, mamlakatimizning suveren, demokratik va gullab-yashnayotgan davlat sifatida shakllanishida buyuk Yo`lboshchimizning beqiyos hissasi xususida ham atroflicha fikr yuritilmoqda, deb yozadi «Jahon» AA sharhlovchisi.
Xususan, Fransiyaning “TV5Monde” telekanalida O`zbekiston mustaqilligi asoschisining hayoti hamda faoliyatiga bag`ishlab namoyish etilgan maxsus ko`rsatuvda “Islom Karimov chorak asr mobaynida o`z mamlakati barqarorligini ta`minlagan atoqli davlat va siyosat arbobi”, deya ta`kidlab o`tildi.
Ispaniyaning “La Gaceta” gazetasi esa O`zbekistonning Birinchi Prezidentiga “Mintaqa barqarorligining kafolati”, deb ta`rif berar ekan, u nafaqat o`z mamlakati, balki xorijiy davlatlarda ham katta obro`-e`tiborga ega bo`lgani, dunyo ahamiyatiga molik muhim siyosiy masalalarning hal etilishida alohida o`rin tutganini qayd etdi. Nashrning bosh maqolasida keltirib o`tilganidek, O`zbekiston Islom Karimovning faol sa`y-harakatlari tufayli terrorizm va diniy ekstremizm singari xavf-xatarlarni engib o`tdi, barqaror taraqqiyotga erishib, jahonning ko`pgina davlatlari bilan teng huquqli munosabatlarni o`rnatdi hamda buni qo`llab-quvvatladi.
“El DiarioYa” (Ispaniya) elektron jurnalida e`lon qilingan publisist-dinshunos Ponse Alegre qalamiga mansub maqolada esa quyidagi jumlalarni o`qish mumkin: -“Islom Karimov nafaqat buyuk etakchi va mashhur siymo, balki yaxshi inson ham edi. U o`z xalqiga ulkan meros — siyosiy, ijtimoiy hamda iqtisodiy jihatdan barqaror davlat qoldirdi. Sayyoramizning ayrim hududlarida noxush holatlar ro`y berayotgan bugungi kunda dunyo Islom Karimovdek rahbarga har qachongidan ham ko`proq muhtoj ekanligi ayon bo`lmoqda”.
O`z navbatida, Italiyada nashr etiladigan “Corriere Nazionale” gazetasi ham o`z o`quvchilarini Islom Karimovning bunyodkorlik borasidagi ezgu faoliyati natijalari -bilan tanishtirdi. Unda yozilishicha, “O`zbekistonning Birinchi Prezidenti sharofati bilan mamlakat tarixan qisqa davrda demokratik siyosiy tizimga ega bo`ldi, iqtisodiyotning mafkuradan xoli bo`lishi ta`minlandi va erkin bozor munosabatlariga o`tildi... Sanoat tarmoqlari, ayniqsa, kimyo, to`qimachilik va avtomobilsozlik industriyasi izchil rivojlanmoqda. Respublikada samarali ta`lim tizimi yo`lga qo`yilgan, qator nufuzli xorijiy oliy o`quv yurtlarining filiallari, jumladan, Turin politexnika universitetining bo`limi faoliyat yuritayapti... O`zbek xalqi kelajakka ishonch bilan qaramoqda”.
Xuddi shunday maqolalar mamlakatdagi “La Repubblica” va “Ansa” singari boshqa ommabop nashrlar sahifalarida ham chop etildi.
30.01.2023, 10:48
#30 yanvar_O`zbekistonning_Birinchi_Prezidenti_Islom_Karimov_tug`ilgan_kunBugun, 30 yanvar — O`zbekistonning Birinchi Prezidenti Islom Karimov tug`ilgan kun. Islom Abdug`anievich Karimov 1938 yil Samarqand shahrida tavallud topgan va 2016 yil 2...02.09.2022, 10:26
Islom Abdug`anievich Karimov – O`zbekiston Respublikasining birinchi prezidenti. Birinchi prezident Islom Karimov 2016 yil 2 sentyabr kuni og`ir xastalikdan so`ng 78 yoshida vafot etdi. Ushbu...29.11.2019, 19:10
Markaziy Osiyo davlatlari rahbarlari 29 noyabr kuni rasmiy muzokaralardan so`ng, dastavval Ko`ksaroy qarorgohidagi Faxriy mehmonlar xiyoboniga ko`chatlar ekishdi. Shundan so`ng, Islom Karimov nomidagi ilmiy-ma`rifiy yodgorlik...07.11.2018, 15:00
Islom Karimov fondi O`zbekistonning Birinchi prezidenti rafiqasining xotiralarini e`lon qildi.Tatyana Karimova Islom Karimovning bolaligi urush va urushdan keyingi og`ir damlarga to`g`ri kelgani haqida yozdi:"Urushdan keyin...